Benedictio Scapularis Nigri et Rosarii seu Coronae Septem Dolorum Beatae Mariae Virginis
Propria Ordinis Servorum Beatae Mariae Virginis
Forma benedicendi Escapularium Dolorum
Forma de benzer o Escapulário das Dores
Sacerdos superpelliceo ac stola alba indutus dicat:
℣. Adjutorium nostrum in nomine Domini,
℟. qui fecit caelum et terram.
℣. Dominus vobiscum.
℟. Et cum spiritu tuo.
Oremus:
Omnipotens sempiterne Deus, qui morte Unigeniti tui mundum collapsum restaurare dignatus es, ut nos a morte aeterna liberares et ad gaudia regni caelestis perduceres, respice, quaesumus, super hanc familiam servorum tuorum, in nomine Beatissimae Virginis Septem Doloribus sauciae congregatam, de cujus gremio hic famulus tuus (vel haec famula tua) esse cupit (vel hi famuli tui esse cupiunt), ut augeatur numerus tibi fideliter servientium, et omnibus saeculi et carnis perturbationibus liberatus (vel liberata, seu liberati), et a laqueis diaboli securus (vel secura, seu securi) intercessione ejusdem Beatae Mariae Virginis, Beatorum Augustini et Philippi ac septem nostrorum Beatorum Patrum Ordinis Fundatorum vera gaudia possideat (vel possideant). Per Christum Dominum nostrum.
℟. Amen.
Conservus (vel Frater) ad habitum super altare positum, Sacerdos dicit:
Oremus:
Domine Jesu Christe, qui tegumen nostrae mortalitatis induere dignatus es, obsecramus immensam largitatis tuae abundantiam, ut hoc genus vestimentorum, quod Sancti Patres nostri ad innocentiae humilitatisque indicium, in memoriam Septem Dolorum Beatae Virginis Mariae nos ferre sanxerunt, ita benedicere digneris, ut qui (vel quae) illis fuerit indutus (vel induta, seu fuerint induti), corpore pariter et animo induat (vel induant) te, Salvatorem nostrum: Qui vivis et regnas in saecula saeculorum.
℟. Amen.
Aspergit habitum aqua benedicta, dicens:
Asperges me, Domine, hyssopo, et mundabor; lavabis me, et super nivem dealbabor.
Benedicendi Coronae
Bênção das Coroas
Deinde benedicit Rosarium Septem Dolorum.
℣. Adjutorium nostrum in nomine Domini,
℟. qui fecit caelum et terram.
℣. Dominus vobiscum.
℟. Et cum spiritu tuo.
Oremus
Omnipotens et misericors Deus, qui propter nimiam caritatem, qua dilexisti nos, Filium tuum unigenitum, Dominum nostrum Jesum Christum, pro redemptione nostra de caelis ad terram descendere, carnem suscipere, et crucis tormentum subire voluisti, obsecramus immensam clementiam tuam, ut hanc coronam, in memoriam Septem Dolorum Genitricis Filii tui, ab Ecclesia tua fideli dicatam, benedicas et sanctifices, et ei tantam Spiritus Sancti virtutem infundas, ut quicumque eam recitaverit, ac secum portaverit, atque in domo sua reverenter tenuerit, ab omni hoste visibili et invisibili semper et ubique in hoc saeculo liberetur, et in exitu suo a Beatissima Virgine Maria tibi bonis operibus coronatus praesentari mereatur. Per eumdem Christum Dominum nostrum.
℟. Amen.
Deinde Sacerdos aspergit coronam aqua benedicta.
Forma imponendi Escapularium
Forma de lançar o Escapulário
Sacerdos imponit habitum et cuilibet coronam; genuflexis dicit:
Accipe, carissime Frater (vel carissima Soror), habitum Beatae Mariae Virginis, singulare signum servorum suorum, in memoriam Septem Dolorum, quos in vita et morte Unigeniti Filii sui sustinuit, ut ita indutus (vel induta), sub ejus patrocinio perpetuo vivas.
℟. Amen.
Forma donandi Coronae
Forma de dar a Coroa
Reddit Rosarium, dicens:
Accipe coronam Beatae Mariae Virginis in memoriam Septem Dolorum suorum contextam, ut dum eam ore laudaveris, ejus poenas toto corde compatiaris. Amen.
Hortetur ad regulas observandas ad sacras indulgentias assequendas, deinde datur benedictio:
Benedictio Dei omnipotentis, Patris, et Filii, et Spiritus Sancti, descendat super te (vel super vos) et maneat semper. Amen.
Viva Jesus! Manual ou Tesouro da Arquiconfraria da Guarda de Honra do Sagrado Coração de Jesus e da Arquiconfraria das Almas do Purgatório, 5ª Edição, 1896.
Última atualização do artigo em 12 de setembro de 2026 por Arsenal Católico
